username: password: dati dimenticati?   |   crea nuovo account

la regata

In batelo, in peata, in gondoleta,
Sule rive, ai balconi, rampegai
Sui tragheti, sui copi, sui ferai,
Tuti parla, se spenze, e tuti aspeta.

Passa intanto le splendide bissone
De damaschi coverte e de corone.

Svola scomesse per la gran regata...
Ma i ga sbarà el canon... nissun più fiata.

Ecoli, ecoli qua - vien primo el bianco,
Po' el maron, el çeleste, el rosso, el viola.
Varda come ch'el verde ghe sta in fianco,
Eh! Zata e Madalena no ghe mola.

Povaro zalo, in coa: varè! varè!
Ocio ai granzi, doman ghe arivarè.

El verde e el rosso ga zirà el paleto,
Xe terzo el bianco, el viola ga'l porcheto.

 


0 commenti:

  • Per poter lasciare un commento devi essere un utente registrato.
    Effettua il login o registrati