username: password: dati dimenticati?   |   crea nuovo account

'a vita

pagine: 12

Io songo nat' 'o millenoviciento
e tengo n'anno.
Tu sì d''o sittantotto
e n'anno tiene.
Chillo che dice: "Sò arrivato a ciento!"
tene n'anno pur'isso.
'O calannario nun 'o date retta.
'O calannario è n'atu scucciatore,
ca vuluntariamente
nce 'accattammo
nuje stesse
e nce' 'o piazzammo
vicin' 'o muro
religiosamente.
'A vita dura n'anno.
Tutto 'o ssupierchio è na supirchiaria.
o, cumme fosse, inutile...
Dicimmo a lengua nosta:
"È p'ingiaria!"
Tu, quanno nasce, allora è primmavera.
E tutt' 'o vverde nuovo
'e chelli ffoglie nove
è na speranza!
È tutta na speranz' 'e vita allera.
Vide tanta faccell''e criature
ch' 'e scuffie culurate:
sò tutt' 'e ccriaturelle nate morte,
ca tenen' 'o permesso,
na vota all'anno,
'e s'affaccià p' 'o munno...
E teneno diritto a 'o primmo sole:
sò è primme viole!
Pò schiòppene garuofene schiavune
e giesummin' 'e Spagna.
'A miez' a mille sciure,
ca sò 'e mille sciure,
ca sò 'e mille culure,
ru sciglie 'a margarita,
ca t'add'accumpagnà
pè tutta 'a vita.
E; comme ch'è nu sciore
busciardo e traditore,
te dà 'o primmo delore...
te dice: "No!"
Te scite na matina e 'o sole coce.
Coce pecché è ll'està.
Te scite e durmarisse n'atu ppoco,
ma dint' 'o lietto nun ce se po' sta.
Nfra veglia e suonno,
ll'uocchie mieze nchiuse,

12


6 commenti:

  • Per poter lasciare un commento devi essere un utente registrato.
    Effettua il login o registrati
  • Massimo Genovese il 31/01/2012 00:01
    che dire semplicemente magnifca
  • ELISA DURANTE il 30/08/2011 08:11
    'A vita dura n'anno.
    Tutto 'o ssupierchio è na supirchiaria.
    o, cumme fosse, inutile...
    Dicimmo a lengua nosta:
    "È p'ingiaria!"
    Geniale!
  • Donato Delfin8 il 27/02/2011 16:38
    Ah bè molto di più !
  • vale t il 27/02/2011 15:17
    eduardo... un grande!!!!!!!!!!!!
  • Giacomo Scimonelli il 24/07/2010 23:34
    certo che diceva cose vere...
  • Donato Delfin8 il 18/03/2010 10:11
    Verissimo.