'Nu sciore 'e primmavera
si ttu, Nennella mia,
'nu sciore prufumato
chino 'e malincunia.
Appena te vedette
sbatteva chisto core,
e, zitto, me dicette:
-Sarrà pe' tte ll'ammore!
'Nu vaso e ancora 'nato,
nun me stancavo maje,
mentre diceva 'o core:
-Cu mme tu restarraje!
Ma dimme tu, Nenne',
speranza 'e chisto core,
e dillo zitto zitto,
song'io pe' tte ll'ammore?
Dimmello cu 'nu vaso,
dimmello cu 'nu sciore
'sta verità sincera
primma ca me ne moro!