Passa l’Angilu di la morti
cu l’ali niri e l’ occhi mpiciati
nuddu lu sta a taliari
nuddu sta a diri unni vai.
Cu vesti e maneri sirvili
s’assetta e aspetta vicinu l’omu
ca l’amma renni a Diu.
Passa l’Angilu di Diu
U so passu si fici pisanti
e mendri passa sona a campana
e rispunninu l’andri campani.
L’aria di sti soni s’inchiu!
Pi diri a l’omu ca tantu a accanzatu:
sulu l’amma si renni a Diu