Anninedda, Anninedda,
to matri e to patri ti ficiru bedda,
l’occhi ca hannu ‘u culuri du mari,
e la vuccuzza ca pari nu sciuri...
Addala-lò, addala-là,
addivuzza addummisciti ccà...
Li to capiddi su comu l’oru,
su ricciuliddi, tu sì nu tisoru,
li mascidduzzi ti puzzulìu,
ma po’ t’annacu e ringraziu Diu…
Addala-lò, addala-lò,
sta nicaredda nun dormi, no...
Quannu sì granni t’affari zita,
cu nu picciottu ca po’ ti marita,
quanti carizzi e vasati d’amuri,
ca v’ataddàri cu tuttu lu cori...
Addala-lò, addala-lì,
ora Anninedda s’addummiscì…