Mò cò cavero è fernuto
nù penziero m'hà cugliuto,
Io e Te, ammore mio
stritte stritte arravugliati.
M'appriparo p'a nuttata
fischiettanno alleramente,
cà lametta dinto e mmane,
nnanz'o specchio a me sbarbà.
Sento cà te sì ccuccata,
votto e mmano a me spiccià,
e p'a pressa sgarro a mano
miezzo musso stò a taglià.
Dint'o scuro tasto ll'aria,
scanzo a seggia appier'o lietto,
ma cà capa dò nà botta
nfaccia o pizzo dà spicchiera.
Pò dulore dò n'allucco,
nà iastemma m'esce a vocca,
chistu cazzo e mausoleo
iusto ccà ll'iva lascià.
O silenzio dà nuttata
mette in chiaro a situazione,
o arravuoglio nun se fa!
Il mio grande, grande Ammmore
doce doce, stà a russà.