‘E capille, ah sti capille,
pareno tanta diavulille,
so’ ricce comm’ è corne e Belzebù
e accussì nire ‘e ttiene sulamente tu;
i’ moro quanno ll’accarezzo,
moro, quanno ne sent’ addore,
addore ‘e mare, addore ‘e rezza,
te vvaso e sent’ assaje calore.
Po’; m’aggia sta quieto,
o si no, tu, ca te pienze?
Aggia pe’fforza rummanè quieto,
pè dignità, pè cunvenienza.
Ma quanta rraggia ‘ncuorpo…
‘o ssaje ca te magnasse…
Ma nun to pozzo fa sapè
quanto te voglio bbene
o si no, tu pure te ne fuje.
Ma quanta rraggia ‘ncuorpo…
Ca vocca te spugliasse,
‘o ssaje ca sulo si vec’a te,
o sangue dint’ è vene
perde ‘o cuntrollo, e me se struje?
Mò basta, mò, mò basta;
je sulo cu tè nun moro
e, ‘e diavulilli tuoie me fann’o coro:
me cantano ‘e canzone dell’ammore
me dicen’ e te strignere cchiù forte,
sfidando a suggietà, a vita e a ciorta,
sfidando, cu curaggio, pur’ a morte!