'o terremoto

tremm'a terra
truculea 'o munno
'a speranza 'nzerra
'a vita vòtte 'nfunno

'ncoppe a 'sti ruvine
'a notte nun dorme
cercanne chi è vicine
muorte e chi t'informe

penzanne 'a chille
ca pe' guaragnà 'e renare
aijzate case e ville
senza fierre e ca' rene 'e mare

è malamente 'o terremoto
ma fa o mestiere suoje
è malamente chi ajzato
e accire pe' 'nteresse suoje

'o malamente s'arrevòte
'ncoppe 'a ggent'oneste
cugliènne tutte int'a 'na vòte
case, criature, affetto e nient' reste

'o chianto t'infonne rint'o core
t'infonne e nun te fa' raggiunà
nun t' faje raggione 'e stu rulore
tu ca si stat'oneste pe' campà

'a colpe 'o ttene 'o terremoto?
o 'e fetiente pe' quatte sorde 'e mmerde?
è o' malamente che s'arrevòte
e passate 'o mumente già se perde

e fauze tornane a 'ngrassà
e rulure signate int'e persone
nun crèrene a stu cagne e società
e mànnene a fanculo cu' raggione

stanne cchiù attiente
e ca' disgrazia 'ncuorpe e chine e forze
alluntanene fauze e fetiente
e arraggiàte s' pulèzzen' a 'sti scorze