accedi   |   crea nuovo account

El Plevan la l'è spari (il prete è scomparso)

L'è sparì el plevan del paese
mi no capisso, cussì su do piè.
l'è partì de scondion a fine mese,
e la xente se chiedi el perché.

Le vecette riunie sulla piassa,
le babaia con tanta passion.
Le sbaruffa e po' le se incassa,
ed ognuna vol ver la rason.

Una dise: "El plevan l'è spario
parchè adess el gà n'altra passion,
ga mollà le toneghe e Dio,
par correrghe drio a un troion".

Le se segna devote le donne,
ma già n'altra l'è pronta a sparlar:
"No se tratta de roba de gonne,
ma par schei el ga tradio l'altar".
"Ga copà, .. ga robà .. el maledio!
E noialtre in Ciesa a pregar!
Stò schifoso intant par da drio
el tramava par farne copar!"

Gira el sol sulla vecia piassetta,
e le donne sempre lì a ciaccolar,
core svelta un'altra veccietta,
che trafelada se mette a sigar:

"I l'ha trovà i l'ha trovà puareto!
Se vedessi in che condission,
distirà de travers sul so letto,
morto secco, par qualche rason.

Se fa sera e se inpinsa le luci,
e le vecette sempre lì a babaiar,
adess le pianse e dai sgionfi so occi,
casca giosse che bisogna sugar.

Dise una soffiandose el naso:
"L'era un Santo el nostro Plevan,
ogni sera ghe mandavo un baso,
innocente de quei co a man".

"El aveva rispetto par tutti,
sempre pronto a far un piasser,
i devoti par lù i jera frutti
da curar con immenso dover".

Cala notte ormai sul paese,
l'ultima vecia la sera el porton,
se vedrà doman come far par le spese,
per darghe na sepoltura al pore Don!

 

1
2 commenti     0 recensioni    

un altro testo di questo autore   un'altro testo casuale

0 recensioni:

  • Per poter lasciare un commento devi essere un utente registrato.
    Effettua il login o registrati

2 commenti:

  • mariella mulas il 26/09/2007 12:34
    È stato un godimento leggere la tua poesia.. L'ho letta e riletta per gustarne ogni inflessione letterale... È stato come assistere di persona ai commenti dei personaggi citati. Complimenti per la freschezza e l'ironia che hai trasmesso.

Licenza Creative Commons
Opera pubblicata sotto una licenza Creative Commons 3.0