E mo che vvuò stasera
Che vuò mo tu ra me!
Chest'anema sta' nera
E nun saccio o' pecchè
Nun riesce a truvà pace
Sta povera criatura
Esiste nu duttore
Ca po' curà sta 'nziria?
Sott'à tutta sta' cennere
Sta nu vrasier' ardente
Nun sape che vvò fa'
Stu core impertinente...
Già t'è pigliat o' suonno
Fa pure,
nun me 'mport!
Ca 'je reste scetate
Proprje pe c'ho ffà 'ppost!
Tu rice... vuò trasì
Però nun si' sicuro...
T'arrienne poprje mo'
Ca staje sfunnanno o' muro...!
E po' voglie sape'
-ra te'- che succeresse
Si trase e, arret a te
Sta' porta se chiuresse...