Elogio muliebre
O Piave murmuliave,
quanne ce steve a uerre,
tu, quanne lave n’terre!
Rice ca o ciele è nire,
quanne ca o tiempe è brutte,
tu, pure senza lutte!
O cuoche rompe ll’ove,
quann’adda fa a pastiere,
tu, ra matine a sere!
Tu me presiente annanze,
si voglie stà riune,
na conche e maccarune!
Si voglie stà ntu liette,
o juorne ch’è de feste,
tu, m’arape a feneste!
Si facce quaccose, sbaglie!
Pegge si nunn’o facce!
Tu rire e cummatte, o ssacce!
Aiere male e cape,
ogge te siente male,
si pegge e nu spitale!
Tu rice “lassele”! E pecché?
“te fa passà sti pene”!
strunze! Ie a voglie bbene,
e esse vò bbene a me!