L'amuri è cosa strana
chiassai si fa
chiassai si spinna e s'addisia
lu cori è chiddu chi cumanna!
chiassai tu lu cerchi
chiassai iddu s'ammuccia,
nun lu trovi mai
quannu ti servi
mancu si cci vaj
cu li cani di caccia.
È affrontusu l'amuri
'nta stu misi d'aprili
si tu lu chiami
iddu mancu t'arrispunni,
si metti l'occhi 'nterra
e di ddà nun si movi
mancu si cci vannu li carabinieri.
A tia ti pari stranu...
ma chi cci vò fari?
Accussì iddu l'arragiuna,
è vicchiareddu ormai
e puru malu cunsatu
li guai di la pignata
li po sapiri sulu lu cuppinu
a cosi vecchi e cavuli sciuruti
soccu ci fa fai sunnu perduti.