Quant'ann sò passat?
Mhà, vall'a sapè.
Te salutaie dicenno Addio,
ma, a nustalgia,
è nà brutta malatia,
nun te fa campà.
A ddò si nato,
stuort'o muort
c'jà turnà,
e tu,
cunusc'a vita.
Si na puttana esperta,
ossaie,
ca pe quann male fai
e figlie tuoie tornano;
l'aspiett'a braccia aperte.
Si allera, lazzarella,
maliziosa e bona e core,
pure chi figlio nun t'è
comme te vede
s'annammora.
Comm te scite
t'arruffian'o sole,
o faie arrussì
cu mille canzone,
e n'cielo s'arrecrea.
A sera
te viest'e luna,
spruzz'e prufumo e mare
e carne tuie,
te m'pernacchi
comm'e na regina,
dint'e capill
milioni e stelle;
a luce de lampare,
è na cullana e perle.