A scrivere di TE si fa un romanzo
perchè son mille e più le cose tue
di cui vorrei parlare a cuor leggero
per dedicarle come a innamorata.
Hai l’uocchi belli chi parini stelle,
che si s’accinnanu e notte faci juarnu ;
chi si mi guardi bene iu mi scuagliu,
e si mi guardi stuartu sò scintille.
E suttu u nasu bellu c’è a vucchella
che s’assumiglia a fragole e cerase ;
cu nu prufumu facile a capì
è nu bombon e zucchero... cu nu pizzicu e veleno.
E tuttu chille chi nu l’aggiu scrittu,
nun cridere ch’ iu mi sò scurdatu ;
nun ti mittì pensieru e stai tranquilla,
e tutta roba bella, e bella assai!.
E oggi chi ci manca pocu pocu,
paddì ca chi stannu stà arrivannu a ffine,
TU mi dummanni na poesia, pa auguriu
pa megliu comincià u novantanove.
A TE, u Patreternu, t’ha già vulutu bene,
t’ha fattu bella, cchiu bella e na jurnata e sole;
chi cosa possu fa iu cu na poesia
sippuru l’aggia a scrivere cu core?.
Ma mò chi sò arrivatu finu accà
na cosa ti la vogliu propriu di ;
nun sacciu se propriu gjustu, si tocca a me,
na cosa d’aguratti l’aggiu truvata!.
Chissu chi stò paddi’, l’aggiu pinsatu,
pinsatu e ripinsatu, cchiu’ di na vota ;
finu a lu puntu chi mi so convintu
ch’è chissa l’unica cosa chi ti manca.
N’AMURI granne, granne granne!!
di chilli che ti faci rimpampì ,
di chilli chi nun ci capisci niente,
di chilli chi ci poi puri murì !.
E mò nu fammu u brongiu, Annicè!;
si taggiu ditta a mia, a verità;
è n’occasione d’oro... pa lassalla stà.
... a poesia, mill’hai domandata TU!.