Ce simme perzo
dint'a nu capriccio.
E mo?
Me lusingata
cu mille guardate,
oggi nu cumplimento,
dimane na n'duppata;
jorno pe jorno
o core te pigliato;
e vide mò
addò simme arrivati.
Stai ccà cu me
dint'a stu lietto e spine
a cunsumà chesta passiona nova;
strignut'a ttè
me s'arrevota ll'anema,
nun'arraggino cchiù,
te sento, e moro.
Nun te vestì, aspè,
statte n'appoco.
Stuta sta sigaretta
vai di fretta?
Dimme ca nun sò stata n'avventura,
a vita e primme, mò,
me fa paura.
Nun te n'ascì
ca è tutta colpa mia,
ca è a femmena ca crea l'occasione,
n'coppe a stù munno
nun ce stanno e sante;
e tienelo a mente
si tradisce in due.