Mori te site a ‘mmienzu a mare
Comu ciecu persu allu scuru
Quandu penzi e cerchi a ‘ssulu
Ci ‘bbole ‘ddice taveru: Amore
“L’amore a doi se face”
“La mamma pe ‘llu fiju”
“Jeu me piazzu a ‘ssulu”
“Eroi morti pe ‘lla pace”
Addhu nc’è gustu nu ‘nc’è pardenza
Le cose sante e ‘cchiu essenziali
Veritate, l’Acqua, l’Aria
Su fatte chiare, a trasparenza
Ma ci Diu ete l’Amore
Amore perfettu e trasparente
Famija, Patria e Affettu
Quale ete meju te scucchiare?
Nc’è l’amanti scurnacchiati
Quiddhi passione a tutte l’ore
Piccinni ciarcati e ‘bbandunati
Pesciu ‘ncora li ‘bburtiti
Quanti cristiani hane salvati!
Previti, Eroi e santi Tuttori
…quante cose sapene scundene…
Quante carogne ‘ntra ‘ll’armadi
Tocca ‘rraggioni ‘ccu ‘llu core
E jeu ca scriu su puru pesciu
Trasparenza, affettu o presciu?
No… Diu ‘ssulu sape l’Amore