A felicità è na chimera,
tene mille sapori
e nun se vere.
È na cosa troppa grossa
si a curr'appriesso
te sfiora e passa.
Cammina sott'o braccio all'umiltà,
chell'cà tiene, t'add'accuntentà,
e si te guard'arret,
vire cà tiene tanto.
Felicità
è scetarse ogni matina
ca voglia e dà nu bacio
a chi te stà vicino,
verè, n'funno a ll'uocchie da cumpagna,
ca tu si a vita soia,
ca ssì importante.
Felicità
è scennere pe scale
dann'o buongiorno
a tutt'o vicinato,
cuntento
e accummincià nata jurnata.
Pure si è senza Sole,
si chiove a zzuffunno,
basta ca nun te n'funne.
Passie
fischiettanno sott'o m'brello
e dint'o core nà gioia infinita,
dicenne:
grazie DDio,
nata jurnata e vita.