Intimità... domestica

Marì,
me fai murì
quanno
cu ll'uocchie a zennariello
e a voce maliziosa
me dici:
fa na cosa,
priparame nu bagno,
io fernesco stì ddoie cose
pò, me voglio rilassà.

Chist'è l'ordine cchiù bello
ca Marì putesse dà.
Zomp'e scatto a copp'a seggia
e me metto a masterià.
Faccio scorrere a funtana
fino a quannno jeng'a vasca,
pò, ca mano smovo ll'acqua
e faccio nu mar'e scumma.

Creo una certa atmosfera
pecchè ossaccio che succede.

Fa vedè ca chiur'a porta
e se spoglia chianu chianu,
tant'ossape ca io a guardo
miez'a senga ca sta aperta.

Si rilassa na mez'ora
pò me chiamma:
vieni amore,
famme nu piacere
lavame nu poc'a schiena.

Appena m'avvicino,
Lei, con mossa repentina,
dint'a ll'acqua me trascina;
e tra scumma e mille schizzi
Nuie facimme cos'e pazzi.