A 'ncertu puntu nasciemu,
Duopu novi misi u faciemu,
Senza riri nienti arrivamu,
Suli 'u faciemu.
Pianu pianu crisciemu,
Cumpagni e amici ni faciemu,
Iucamu, schirzamu e arrirriemu,
Ma 'ntantu nemici addivamu.
Arriva u mumentu ca ni spusamu,
'A nostra famighia pinzamu,
Travaghiannu, rriscurriemu e campamu,
E 'ntantu u tiempu passamu.
Nà vicciania puoi arrivamu,
Rulura e mali ri catina aviemu,
Pinsamu a quannu picciotti eravamu,
Co pinsieru nnarrieri ni 'niemu.
Ma ora ca quasi a fini viriemu,
Ca a nostra vita canusciemu,
Ni vutamu, ni sbutamu...
E sempri suli siemu.