Napule è
civiltà antica,
Riggin'e Rre
stann' dint'e vich.
For'e porte cummare a n'ciucià
ma si serv n'aiuto
chi o tene t'o ddà.
Napule è
Sacro e profano,
mille chiese, mille scippi,
bancarelle cu e trè cart,
a pusteggia pè m'bruglià.
A san Gennaro nà preghiera
bancolotto o sabat'e sera.
Napule è
nà cartulina,
stracciata ogni matina
da corrotti e corruttori,
cammurrist, malfattori,
politici collusi;
sanguette e magnaccia
l'hann mise o scuorno n'faccia.
Napule è
mille colori,
voc'e popolo, canzoni,
arrangiamient e precarietà.
Fattucchiar e processioni
esorcizzano e paure,
o Gigante adda' scuppià.
Napule è
nà port'a mmare,
braccia aperte a tutt'o munno,
troppa gente a fann male
zucasangh e bla, bla, bla;
a nuttata adda passà.
Napule è
miseria e nobiltà.