L'ammore è verde

Pe' mme l'ammor'è vverde
pecché verd'è 'a speranza
ca te fa aizà 'a capa
e t'aiuta a gghì annanze.

Pe' mme l'ammor'è vverde
comm'è ll'acqua d''o mare
e ll'erva sott' 'e piere
e 'e mmane d''e sciurare.

Pe' mme l'ammor'è vverde.
E nunn'è 'o russo, 'o giallo
oppure 'o cceleste:
nunn'è fuoco ca abbrucia
nunn'è 'o sole, e nemmanc' 'o cielo.

Pe' mme l'ammor'è vverde
pecché verdi so' l'uocchie ca tu tiene
e i' l'ammore
l'aggio visto pe''llà.