PoesieRacconti utilizza cookie, anche di terze parti, per personalizzare gli annunci. Per informazioni o negare il consenso clicca qui.     Chiudi

Quanno sonene 'e ccampane

Quanno 'e ccampane fanno din don dan,
è 'o tiempo ca se và cunnulianne ll'ore,
songo 'e minute ca passanne e vulanne:
lassene straschiche 'ncoppa a llancette d'oro.

'Ncuntrannese se passene 'na lettera,
'na lacrema, 'a scarda 'e 'nu penziero,
o cocche vaso ca pe fui' 'e pressa,
è stato lassato a 'nu core furastiero.

Sonene 'e ccampane e a ogni rintocco,
'o batacchio se va vattenne 'o tiempo.
Facce nove e vvecchie se salutene:
se rincorrene fra gioie, vita e turmiente.

Mentre 'o tiempo scorre, pure 'o mare,
se mette a cunta' 'nu fatto e llà s'attarda.
Vo' chiacchieria' 'e 'na figliola ca chiagne,
pe n'amante traditore e assaje buciardo.

Squillene 'e ccampane p'ô paese,
'e ssiente suna' 'a luntano alleramente:
Scampaneano for'ê pporte e dint'ê cchiese,
p'ê ppiazze e mmiezo 'e cchiacchiere d'â ggente.

'Mpruvvisamente se nne vanno lente lente
hanno sentuto chiagnere 'a luntano.
'O campanaro affievulisce 'e suone:
'npreghiera se raccogliene 'e crestiane.

Prianne s'auniscene 'nsilenzio,
'nun se sape si ciento o mille mane,
a ll'intrasatto fra lummine e 'ncienso:
lieve se sente 'o chianto d'ê ccampane.
Giovanna Balsamo

Quando suonano le campane

Quando le campane fanno din don dan
e il tempo va cullando le ore
sono i minuti che passando volando:
lasciano strascichi su lancette d'oro.

incontrandosi si scambiano una lettera,
una lacrima o un pezzo di pensiero,
qualche bacio che per la fretta,
è stato lasciato da un cuore forestiero.

Suonano le campane e ad ogni rintocco,
il batacchio va battendo il tempo.

12

0
0 commenti     0 recensioni    

un altro testo di questo autore   un'altro testo casuale

0 recensioni:

  • Per poter lasciare un commento devi essere un utente registrato.
    Effettua il login o registrati

0 commenti:


Licenza Creative Commons
Opera pubblicata sotto una licenza Creative Commons 3.0