Sol che batte i coppi de antiche case rade,
perse in meso al verde, su diroccae strade,
violentae dal tempo, che nessun ricorda più.
Sol . che scrosta i scuri e po' el ritorna su
strussando sora muri de calse pitturai.
Sol. che ferma l'aria sui fossi evaporai,
miraggi in controluce su cui se fonde el senso
del viver e del morir in t'un sentimento denso
che mì no sò capir.
Sol . che slonga le ombre, sulla strada bianca,
in t'un svolo de mosconi che con anda stracca
i gira vagabondi, in serca de che cossa?
Sol.. n'te le me vecie ossa
che me strassino drio pian . pian.
Sol . son sol come un can!
Sol... coi me pensieri matti.