Scrafingiu

Tottu sa notti in fattu a su scinitzu
po curpa e su scraffingiu malladittu,
e tocca e pongiu a menti a s'apittitu,
pappau mi seu dus killus de sattitzu,

e nau mi d'iat po fintzas su dottori,
ca du teniat da tempus a disiggiu
d' apu donau un oghiada po fastiggiu
e poi... su tzurrufigu... e su puntori,

e tocca ca mi movit su scraffingiu,
in conca, in peis e fitzas in paneri,
ita y ast'a bi? Cussu non fiat pappingiu,

maranduas che cifraxiu furisteri
e is didus mius torraus a su losingiu,
non portu is ungas de su tzrapadderi.