Vosi (Voci)

Vosi de fioi che riva da lontan,

i siga, i ride ciapandose par man.

Vosi, che se confonde nell'aria evaporada,

le vosi de dò vecie che passa par la strada.

Capisso qualche frase che po' de colpo more,

le solite magagne de suocere e de niore.

Vosi della mè infansia che me riporta indrio,

fora da stò tempo in t'un luogo indefinio,

dove abbandono i sensi in t'un orgasmo de pensieri.

Vosi che se ingatia de oggi e de ieri,

"BASTA! Stè site Maledette!

Andè fora dalla testa dalle me recie!"

Vosi picae in t'e l'aria della sera,

che spetta el sol che more per po' cascar par terra.