Darrè a la nostra casuzza
c'è 'n'urticeddu
e me patri ci simìna la cucuzza
Cancia di razza: spinusa
gianna d'immernu
da rascari e puru ginuvisa
Iddu po'cià porta a me matri
ca la fa scasdata
frìuta o a furnu, pì tutti natri
Sempri però, un si po' mangiari
A iddi ci piaci
ma a'mmia mi la ficiru siddiari
Nun ni vogliu mancu tanticchia...
Chi gustu avi?
Chiù megliu è, pasta e linticchia
Pensu li 'mpignulati di cummari Lucia...
Cucitila comu vi pari
ma 'sta cucuzza, nun è cosa pi' mia!