Ncoppo 'o quartiere

Sto saglienno, viche stritte 'o scuro,
'o sole nun ce trase, panne spase.
Sto saglienno,
'a sagliuta è grossa,
ma ormai so abituato,
m'aggio fatt l'ossa,
proprio comme dicive tu, papà
quanntu tiempo ca è passato.

Ca è cagnato poco,
ma io tiro annanze, 'a cazzotte,
nu cunsiglio ro tuoio,
valeva chiù 'e mille fatte,
cammino, capa aizata,
'e tentazione so tante,
'a fa na strunzata,
ce miette poco o niente.

Ma nun ma sento,
'e sbaglià sta strada,
è overo, ca tene chiù palle,
chi spara, chi s'accultella,
ca chi se sceta 'a matina,
pe faticà, quatte solde.

E vaco, zitto e muto,
'o vico è na sagliuta,
proprio comm 'a vita,
ca si ta fai amica,
primm o poi, t'aiuta.

'E mamme fanno chella ca ponn,
e creatura nascene già omme,
'a vecchia dint' 'o vascio,
venneva ciucculato e brioches,
mo bomb'a mano, e hashish.

Nun cagno casa,
pecchè ca so nato, e song' 'orgoglioso,
ma 'a strada mia l'aggio cagnata,
nun vaco appresso a nisciuno,
pe addiventà qualc'uno,
'o tesoro mio l'aggio arrubato a te,
ca me dato, vita, cunsiglie e amore

Sto saglienno,
'a sagliuta è grossa, ma ormai so abituato, m'aggio fatt l'ossa,
proprio comme dicive tu